شعر: علي بن ناجي “أبو ثورة”
سبتمبر الثورة مسيرة للوراء
من يوم قامت ما مشت خطوة أمام
وأهدافها الستة ولا أتحقق هدف
لا تأسست دولة ولا طبق نظام
جمهورية بالاسم وألوان العلم
وفي الحقيقة مملكة تبع وسام
تملكت سنحان فيها كل شي
وأولاد الأحمر ملكهم خمسين عام
واليوم سبتمبر إلى صنعاء رجع
والشك ما شي شك بيعود الإمام
لأنها ديمة قلبتوا بابها
إمام نزلتوه وأطلعتوا إمام
26 أخرجوا منها الخمس
لما أصبحت 21 التمام
ملا قليل العقل عاده ما فطين
يحلم بصنعاء كل ليلة في المنام
لا با تصل صنعاء ولا تحلم بها
صنعاء في أحضان الخميني يا غلام
غالب عليها بالقصوف الحربية
وراجمات السكود وصواريخ فام
إن عاد شي في الحبل ليه جرها
ترجع رزامة للخليفي بن رزام
والختم ما شي يا ذيول المملكة
لما قد الملعون يبصم بالبهام
تقول هذا ثور ويقول: “احلبه”
تقول له صنعاء يقول: “أقرب شبام”.
